من اخر صوري ..

( اضغط ع الاسم )

فينسيا الكويت P:

حبل الموده

ماي عييني ..

تفاصيل بوم .. (سفينه شراعيه قديمه )

اتمنى يعجبونكم .. ^.^

كيف اربح .. اذا ما احسب خساراتي !!

الصداقه ، العلاقه الطيبه ، الثقه ، المعامله المحترمه كلهم معرضين للخساره .. وخصوصا لو كانوا ديكور خارجي ..

كل ما خسرت شي عزيز علي احطه على القائمه ..

ايمع ذكرياتي واسويلها ابديت من وقت لي الثاني ..

بس تتم الخساره احساس غريب وكئيب ومهما كنت ايجابي في تقبلها بروح رياضيه وبإيمان منك انها مو مكتوبه لك هم تتم تسأل شلون خسرت ..

الدنيا ماتوقف على احد .. بس احنا الي نوقف على فقدان الاشخاص الي نعزهم ..

نوقف وننطر ردتهم .. حتى لو واثقين مالهم رده ..

الاحساس الغبي لما نستوعب انه وقفتنا زادت من خسارتنا .. للوقت ، للفرص ، للايام الاحلى ..

انا قائمتي طوووويله .. فخذيت عهد على روحي ما اوقف وانطر .. اخسر وابتسم وارضى واكمل ..

مو لانه الي خسرته عادي او ما يعنيلي .. لا بس لانه مابي ازيد من خساراتي ..

مصافحه اولى ,,

بسم الله الرحمن الرحيم .. والصلاة والسلام على محمد واله وصحبه اجمعين ..

تو ما تباركت المدونات بوجودي :P

صباحكم \ مساكم خفه وبسمه ورضا ..

قررت ادون وانشر شخابيطي للملأ واشارك الي يحبوني والي مايحبوني بس يتابعوني

اول شخبوطه بتكون عن كتاب ممتع بديت اقراه من فتره بسيطه اسمه [ السر ] هالكتاب شدتني له حجيه اوبرا وينفري بارك الله فيها :P

لانها خصصت له حلقه واجزاء من حلقات برنامجها بس تتكلم عن العجايب الي ممكن تصير اذا عرفنا نستعمل السر ..

بداية الموضوع كان عندي فضول كبير اعرف شنو السر ولما عرفته صار فيني فضول اكبر اعرف شلون اطبقه بحياتي .. الحمدالله شخصيا عشت سلسة نجاحات كان السر جزء منها ..

للي صار فيهم فضول اقوول انه السر هو [ قانون الجذب]

بايضاح اكبر القانون هذا موجود وفعال سواء كنا على علم فيه او لا ..

وهذه مقدمه الكتاب ..

The secret

وللحديث بقيه .. دمتم بود ..

---